A Lei de baixada de ratios e redución da xornada lectiva necesita ser mellorada e aprobada, porque é un importante paso adiante na mellora das condicións laborais do persoal docente e da educación. Debe ser ademais completada con máis medidas que melloren todas as condicións laborais e de recoñecemento do profesorado: A1 e suba de nivel, xubilación anticipada e gratificada para todas, redución da sobrecarga e a burocracia, saúde laboral docente e atención aos riscos psicosociais como algunhas das máis fundamentais.

Ti podes axudar a conseguilo escribindo ás deputadas e aos deputados e animando a facelo a todas as persoas que coñeces. É a hora de presionar xuntos e xuntas, man a man!